" بالنسبة للقافية ما قافية.. ما كانت تعني لي شي.. بدل ما دور على قافية تركب ع البيت، بدي كندرة ألبسها، بدي رغيف آكلو، بدي محل نام فيه.. طز.. شو ها المشكلة..
في مرة واحد، لغوي يعني.. شافني ع باب مقهى هافانا، قال لي إنت، بقصيدة من القصايد، قايل طالما كذا، وطالما ما بتدخل ع الإسم. قلت لو لا بدها تدخل.. ناس عم يدخلو ع السجون، ع المعتقلات، ع المصحات العقلية، جواسيس طالعة فايتة، ما ضاقت عينك إلا بـ طالما تبعي؟؟
حتى إذا عندي خطأ لغوي بصر عليه، أو خطأ مطبعي بصر عليه، ما بسمح لأي حدا يعبث بكتابتي، بكتب صح، وبنطق صح، خلاص، شو بدي بقا بالـ... "
محمد الماغوط*
