الرئيسية » » قبل أن تدخل مطعماً مصرياً | إبراهيم المصري

قبل أن تدخل مطعماً مصرياً | إبراهيم المصري

Written By هشام الصباحي on الجمعة، 3 أبريل 2015 | 8:35 ص

قبل أن تدخل مطعماً مصرياً
يجدر بك أن تسأل صاحبَ المطعم أو مديره أو كبير الجرسونات:
لا مؤاخذة يعني في السؤال
ـ اتفضل يا باشا تحت أمرك 
يعني حبيت أسأل لحمة الحمير اللي عندكم طازة، يعني الحمار مدبوح دلوقت ولا مر عليه كام يوم؟
ـ وشرفك يا باشا الحمار مدبوح من ساعة حتى الدم لسه بيخر من لحمته، تحب تتأكد جنابك بنفسك؟
لا لا مفيش داعي بس حبيت أطمن وإذا ممكن سؤال تاني!
ـ أي سؤال يا باشا إحنا في الخدمة
يعني لحمة البقر والجواميس اللي بيرزقكم ربنا بيها من الترع والمصارف والنيل، لسه يعني مطلعينها أول ما غرقت ولا الجتت بقت رمة واتفسخت.. ممكن هنا تمسك مناخيرك بصوابعك كدليل على أنك إنسان وجيه وابن ناس مبيحبش الريحة الوحشة.
ـ وشرفك يا باشا كل جتة بقرة أو جاموسة مفتش عليها حتى يوم واحد، وملحقتش تنتفخ وتبقى رمة، إحنا ناس عندنا ضمير يا باشا وبنراعي ربنا في الزباين.
طيب على بركة الله شوف لنا ترابيزة فاضية
ـ اتفضل يا باشا نورت المطعم.
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.