الرئيسية » » حكايات مصرية من مترو مصر | محمد خالد

حكايات مصرية من مترو مصر | محمد خالد

Written By لبنان كتاب الشعر on الأربعاء، 18 مارس، 2015 | 10:15 ص

حكايات مصرية من مترو مصر
www.poetrybook.biz
فى المترو
Mohamed Khaled
شاب دخل بيبيع اقلام رصاص و جاف و الوان ..
الشاب دة اتكلم و قال ارسم حلمك بالقلم الرصاص علشان مش هيتحقق و هيتمسح .. و اكتب بالجاف شهادة وفاتك .. و ارسم بالوان صورتك في الشارع
الشاب بيتكلم بحرقه و قهر ..
يطلع راجل كبير و يقولوا بدل ما انت بتبيع اقلام روح دور علي شغل تاكل منه عيش و تفتح بيت ..
الشاب قالوه هو انا لقيت شغل و قولت لا دة انا بلف علي رجلي علشان خاطر اصرف علي اختي اللي في جامعة و امي ..
الراجل يقولوة يعني انت مش لاقي شغل و اختك في الجامعة ..
الشاب طلع شهادة تخرجة و الصدمة انه متخرج من كلية اقتصاد و علوم سياسية جامعة القاهرة دفعة 2012 بتقدير جيد جدآ و lاشتغلش في مجالة علشان هو مش ابن باشا و لا ابوه حاجة كبيرة في البلد ماشتغلش علشان مش معاة واسطة ..
يرد الراجل الكبير المستفز و يقوله و انت اية اللي يدخلك كلية و انت عارف انك مش هتعرف تشتغل بيها ..

رديت علي الراجل و قولتله و انت مين علشان تقول يدخل اية و مايدخلش اية هو مش بني آدم من حقة يحلم و يحقق حلمة مش ذنبنا انكو اتولدوا و الجذمة في بوءكو مش ذنبة انة دخل كلية و نجح و تعب فيها علشان يحقق لاهله مستوي كويس

اللي انت بتقوله دور علي شغل دة احسن منك و من اللي زيك علي الاقل لسة عندة امل و حلم عاوز يحققة .. مش زيك عايش بتقول اه اه لحد ما طلع عين ابونا من قوله اه بتاعتكو

الراجل بصلي و قالي بتكلمني كدة ازاي .. قولتله باتكلم بلساني اللي انت كل يوم بتخرسة بمواقفك و بتطبيلك ..

طلعت ست كبيرة وقالتلي يسلم فمك و الراجل الناس هاجت علية و الشاب قالي ربنا يكرمك حسستني ان انا مش لوحدي ..

قولتله خلي عندك هدف انت احسن مننا بإرادتك و لما تيجي تبيع قول قلم رصاص ارسم بيه الحلم و قلم الوان لون بيه الحلم و قلم جاف اكتب بيه حلمك اللي اتحقق

خلي عندك امل في بكرة .. احنا كتير
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.