ثورة الجياع
معظم اللي بيتكلم عن الثورة بيقول ثورة الجياع/ الثورة التي ستطيح بالأخضر واليابس/ ربنا يستر على مصر منها/ الثورة القادمة/
ثورة جياع إيه يا جدعان... أنتو عايزين الراجل اللي واقف على كومة الزبالة في المرج الجديدة يجمّع قوت يومه من زبالتكم يقوم لكم بثورة... الست اللي نايمة بست بنات على تلتوار رمسيس تقوم لكم بثورة
دي ناس قتلتوها بالجشع والطمع وقلة الدين وانعدام الضمير.. هيقومولكم بثورة ليه؟
علشان مين.. طلبوا منها إيه قبل كدا علشان يطلعوا ياخدوا منها لإيه؟
الصديق امالي محمد مرّة قال على صفحته ما معناه "يا ريت وانتو بترموا زبالتكم تبقوا تقفلوها كويس علشان في ناس بتاكل منها"
ابقوا اقفلوا زبالتكم كويس قبل ما تعوّلوا على اللي بياكلوها وتقولوا إنهم هيقومولكم بثورة علشان تسرقوهم تاني
