الرئيسية » , » دعوة لخطوبة نور ، وحكاية الفرق مابين الخطوبة والزفاف من وجهة نظر الأب | ناصر العزبي

دعوة لخطوبة نور ، وحكاية الفرق مابين الخطوبة والزفاف من وجهة نظر الأب | ناصر العزبي

Written By Hesham Alsabahi on الخميس، 22 يناير، 2015 | 4:20 ص

لما يكون عندك عنقود حباته جميلةتتصور آخر حباية في العنقود هتكون أيه ؟من غير حيرة .. هتكون (( نور )) العروسة اللي هدعيكم لخطوبتها .ماعلينا ، في الأول وقبل الدعوة أحكيلكوا عن ( الفرق مابين الزفاف وبين الخطوبة من وجهة نظر أبو العروسة )
الفرق مابين الزفاف وبين الخطوبة من وجهة نظر أبو العروسةفارق كبير ؛ هو أن الزفاف بعده بتكون البنوتة خلاص بقى لها بيت .. ولاعادت بتاعة باباها .. وعنيه مانع عنها الدمعة طول الحفلة.. أما في حفل الخطوبة بتكون الفرحة في عينه طول الحفل بتلمعمن غير دمعة .. لأن  البنوتة في خطوبتها بتفرح وبترجع على بيت باباها يعني الفرق بيكون بس في قراية عين الأب و بالطبع الأم ، يعني الحفلة المرة دي العين فيها مش هتدمع،
 ..ارجع لمرجوع الدعوة ؛فاكرين الصورة الاولى دي ، فاكرين الشهر الماضي ؛ كان في قراية فاتحة لبنوتي " نور " اللي حكيت ليكوا حكايتها ، وقلتلكم هادعيكوا لخطوبتها قريب ، وأنا على وعدي .. استنينا لأجازة نص العام وحددنا ميعاد الحفلة ومكانها ، ورعينا ظروف الكل بأنه يكون داخل المدينة مش راس البر، يالا ؛ هاتوا حبايبكوا وشاركونا فرحتنا بحبيبة بابا ، الرقة والبسمة والهسة " نورهان " اللي من يوم مولدها نناديها بـ " نور " الحفلة في نادي المهندسين اللي بعد مبنى المحافظة قدام مول الصفوةوالموعد يوم ٢٦ يناير اللي بعد ميعاد عيد الثورة بيوم، والساعة ٨ اللي بعد آذان العشا بحوالي ساعةكده تمام .. ده اللي عليا.. عليكوا انتوا الباقي ، تيجو نشوفكم ، وتشوفوا أحلى عروسة وأجدع عريس وتشوفوا ذوقه.. في انتظاركوا
ملحوظة ؛ اللي مجاش في حفلة سوزي يومها قولنا هنلتمس العزر له ومش راح نزعلالمرة دي اللي مش راح يجي منهم هنزعل منه

نور يحتفي بها محافظ دمياط د. عبد العظيم وزير عام 2003نور يحتفي بها محافظ دمياط د. عبد العظيم وزير عام 2003نور على مسرح الأوبرا مع ميدليتها الذهبية في الفن التشكيلينور على مسرح الأوبرا مع ميدليتها الذهبية في الفن التشكيلينور على مسرخ الأوبرا مع شهادة التقدير والميدالية الذهبيةنور على مسرخ الأوبرا مع شهادة التقدير والميدالية الذهبيةنور وصورة تذكارية بعد نصف عام من مولدهانور وصورة تذكارية بعد نصف عام من مولدها
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.